DOH mipahibalo sa peligro sa hinungaw sa oil spill ngadto sa mga residente.

CEBU, Philippines - Ang Department of Health miawhag sa mga mangingisda ug mga pamilyang nagpuyo sa mga baybayon sa lungsod sa Cordova nga mo-evacuate na dayon aron malikayan ang unsa mang sakit nga makuha gikan sa oil spill.

Matod sa Regional Epidemiology and Surveillance Unit officer sa DOH-7 Rennan Cimafranca nga temporaryo lamang ang evacuation samtang di pa luwas ang mga pamilya gumikan sa baho sa krudo.  Misaysay si Cimafranca nga dako nga risgo kung di mobiya ang mga pamilya gumikan kay ang grabeng exposure ug pagsimhot sa baho sa krudo makahatag og sakit sa baga ug panit.

Dugang pasidaan ni Cimafranca nga ang pagkaon usab og mga seafoods nga naapektohan sa oil spill moresulta sa grabeng hilanat, sakit sa tiyan, labad sa ulo ug grabeng pagsuka. Apan ang mayor sa Cordova nga si Mayor Adelino Sitoy di uyon niini tungod kay wala sila’y kabutangan sa mga pamilya sa kapin dos mil ka mga apektadong mananagat.

“Di man pud na mangirog mga tawhana (mangingisda), di man gani na mangirog kun bagyo,” matud pang Sitoy.

Samtang, nagmalamposon ang gipahigayong clean-up operaton sa mga opisyal ug empleyado sa Kapitolyo kagahapon sa upat ka barangay sa lungsod sa Cordova, sa pakigtambayayong usab sa Peoples Organization, Local Government Units ug mga mangingisda.

Nagtinabangay ang tanan gamit ang mga improvised oil spill boom nga ginama sa sako nga ginama sa abaca, bunot ug foam. (BANAT NEWS)

http://simple-advertisng.blogspot.com

Wanted gipino og tigbas sa mahait na hinagiban

CEBU, Philippines - Napalgang patay ug naputos sa samad tinigbasan ang kalawasan ug ulo sa usa ka wanted person kinsa nakit-ang nagbuy-od sa dalan nga wala nay kinabuhi diha sa sityo Upper Kadaatan sa barangay Lambusan sa lungsod sa San Remegio niadtong Miyerkules sa hapon.

Ang biktima mao  si Cenon Lirazan Jr., 48, nagpuyo sa maong lugar ug giingong adunay standing warrant of arrest diha sa sala ni Bogo City Judge Antonio Maregomen sa Regional Trial Court RTC Branch 7   tungod sa kasong Robbery with Homicide niadtong niaging tuig.

Matud pa ni PO2 Lope Arcilla sa San Remegio Police Station nga nahinabi sa Banat News ang mga molupyo sa lugar sayo sa buntag maoy nakadiskubri sa biktima nga nagbuy-od na nga wala nay kinabuhi ug nakaangkon og daghang samad tinigbasan sa ulo ug kalawasan. Gitutokan karon sa imbestigasyon sa kapolisan ang kaso sa biktima sa milabay’ng tuig nga maoy posibleng hinungdan sa pagpatay kaniya.

Matud pa nga idlas kaayo ang suspek bisan makapila na nila kini gisuwayan sa pagsikop human mogawas ang warrant of arrest niini. (/EIM) (BANAT NEWS)

sinple-advertisng.blogspot.com

6 trak gidauban sa mga armadong mga tawo!

KIDAPAWAN CITY - Gisunog sa mga armadong grupo ang unom ka trak alas 2:30 sa kaadlawon niadtong Martes didto sa probinsiya sa Cotabato.

Si North Cotabato Provincial Police Office director Danilo Peralta nagsulti nga gisulod sa 15 ka mga armadong lalaki ang equipment depot sa Sumifru Banana Plantation didto sa Barangay Bangbang, Matalam ug gisunog ang tulo ka prime mover trucks ug tulo ka hauler truck.

Sumala pa nga walay nahimo ang mga sekyu ug nanagan sa diha nga ilang nakit-an nga pulos armado og mga tag-as nga armas ang mga lalaki.

Gikanayon sab sa mga sibilyan nga duol sa dapit nga lakip sila gihulga sa mga armado nga patyon kon sila manawag og pulis ug sundalo.

Nasayran nga gibuboan og gasolina sa mga suspetsado ang unom ka trak hinungdan sa pagkaugdaw niini ug wala na matabang sa mga personahe sa Bureau of Fire Protection.

Dali sab nga misibat ang mga armado sa diha nga nakatimaho nga nagsingabot na ang puwersa sa militar ug kapulisan.

Anggulo nga pangikil ang usa sa mga motibo nga gi-imbestigahan sa kapulisan sa pagsunog sa unom ka trak sa Somifru. (Edgar Fuerzas)

earn some extra money click this http://simple-advertisng.blogspot.com

Mi-gang rape suspect nadakpan.

DAVAO DEL NORTE - Nadakpan sa kapulisan sa Kapalong Municipal Police Station (KMPS) ang usa sa tulo ka suspek nga naglugos sa usa ka 16 anyos nga dalagita niadtong Pebrero 26 ning tuiga.

Nadakpan sa kapulisan mao ang usa ka alyas Weweng, 22, molupyo sa Purok 1, Maniki, Kapalong.

Sa paghinabi sa Superbalita sa biktima kagahapon nga si alyas Ebyang, 16, taga Sitio Abiod, Barangay Pag-asa, Kapalong, gitug-an niya nga siya gitabangan og lugos sulod sa mangitngit nga kuwarto sa nadakpang suspek nga Weweng.

Gisaysay sa biktima nga nagtindog lang siya sa usa ka Minute Burger atubangan sa Kapalong Terminal alas 8 sa gabii niadtong Pebrero 26 sa dihang giduol siya sa iyang kaila nga si Alyas Janjan, 15 anyos, molupyo sa Purok 1, Maniki uban sa lain pang duha ka batan-on ug giimbitar nga magpakuyog sa ilang balay.

Misanong si Ebyang sa hangyo sa kaila, apan dihang niabot sa balay, gipugos ang biktima sa pagsulod sa ngingit nga kuwarto, uban sa tulo ka mga batan-on ug didto siya gipanamastamasan sa duha ka batan-on samtang ang usa nagtan-aw ra.

Ang biktima mireklamo lang sa kapulisan human nga siya mimabdos batok sa iyang higala ug ni alyas Weweng.

Gipagawas gilayon sa Regional Trial Court Branch 2 ang warrant of arrest batok kanila hinungdan nga nadakpan si alyas Weweng.

Nagbahad ang uyoan sa biktima nga si alyas Jojo nga di gyud sila magpaareglo ug ipadayon nila ang pagpasaka og kaso batok sa mga suspek.

Asawa nakuhaa’g 8 ka paketeng shabu napriso!

CEBU, Philippines - Nadakpan sa kapolisan ang usa ka asawa kinsa  nasakmitan  og  walo ka paketeng  shabu samtang ang  iyang  bana  nga  miikyas  nagbilin  og  bag  nga  gisudlan sa  dul-ang usa ka  kilo nga pinaugang dahon sa marijuana sa barangay Lawaan, dakbayan sa Danao sa miaging  hapon.

Giila  sa kapolisan  ang  nadakpan   nga mao si  Emee Octores, 27, walay trabaho, samtang  ang  iyang  bana  nga  si  Nelson Octores, hingkod, maoy  gipangita  pa sa kapolisan.

Si SPO2  Ildefonso  Prosia sa kapolisan sa maong dakbayan nga nahinabi sa Banat News miingon nga nakadawat og taho ang ilang buhatan nga ang barangay  Lawaan  usa sa mga barangay   sa bukid  sa Danao nga naghitak ang illegal nga drugas.

Dugang pa niya nga gumikan sa maong  taho gimando sa ilang hepe  ang  paglusad  og  saturation  drive   batok  sa tanang illegal nga kalihokan sa maong  mga  lugar.

Matud pa ni SPO2 Prosia nga ang team ni PO2 Jomar Solomon maoy nangulo sa  pagpangronda    ug ilang  girombo ang  barangay Lawaan ug sa ilang  pagsaka  ngadto ilang nasugatan ang  magtiayon nga katahapan kaayo ang lihok nga naglakaw  hinungdan nga ila  kining  gipahunong.

Si SPO2 Prosia miingon nga  ang bana nga nakamatikod nga polis ang ilang gikasugat dali  nga  milabay  sa iyang knapsack ug  mikaratil og dagan.

Samtang  ang asawa nga nakalitan  wala makalihok ug  nagunitan  sa  mga  polis  ug  gideretso  og  sikop. Dugang pa ni SPO2 Prosia nga dihang girikisa sa kapolisan ang bag ni Emee  nakuha ang walo ka pakete nga gituohang shabu .

Ang knapsack nga gilabay sa bana  nakuha ang dul-an sa usa ka kilong pinaugang dahon sa marijuana.

Ang kasong kalapasan sa Republic Act 9165 kon Comprehensive Dangerous Drug Act of 2002 maoy gipasaka  batok sa magtiayon  ug nagtingkagol  na  sa prisohan  ang  asawa samtang  gipangita  pa  sa kapolisan  ang  bana. (BANAT NEWS)

Kinatawo gipaak sa bayot

NILANDING sa balay tambalanan ang 12 anyos nga batang lalaki human mihubag ang kinatawo niini dihang giingong gipaak sa usa ka bayot niadtong Lunes mga alas 6:00 sa gabii sa Barangay Napaliran, lungsod sa Balingasag, Misamis Oriental.

Giila ang biktima nga mao si Lee (tinuod nga ngalan gipugngan), residente sa susamang dapit. Ang gitumbok nga suspetsado mao si Jay-Are, bansagon gipugngan, silingan sa biktima.

Ang inahan ni Lee dili mahulagway ang kalagot nga gibati dihang iyang nasuta nga gigamit ang iyang anak ni Jay-are, kinsa usa ka bayot, nga miresulta sa paghubag sa pribadong parte sa biktima.

Giingon ni Lee nga wala kini niya nabalibaran tungod kay nagbahad kini ug hadlokon siya ingon man adunay mga pasalig.

Tungod niini nagpa-blotter sa Balingasag Police Station ang inahan sa nahitabo sa iyang anak samtang gitambagan kini sa kapolisan nga ipa-medical check-up.

Padayon pa nga giobserbahan si Lee sa mga doctor sa Northern Mindanao Medical Center (NMM) ning siyudad sa Cagayan de Oro.

Gipangita na usab sa kapolisan si Jay-are kinsa misibat ning panahona.

Bayot gipriso kay wala mobayad sa kisabotan.

USA ka giingong bayot ang nagtingkagol sa prisohan sa Tagoloan Police Station human gireklamo nga wala mobayad sa 16 anyos nga lalaki.

Gipriso si Ronald, alyas Carla, lumad nga taga Don Carlos, Bukidnon human kini giakusahan nga gawas sa wala pagbayad sa nasabutan giingong nangawat pa sa kwentas ug cellphone sa 16 anyos.

Apan gihimakak kini ni Ronald tungod kay daw nagkasinabot sila nga kung magtagay sa kalipay iya kining bayaran ug P500.

Tungod kay daw walay nakapabuto kanilang duha wala na mibayad si Ronald ug iyang nakuha ang kwentas niini apan daw wala siya masayod asa ang cellphone niini.

Gituohan niining nahulog kini samtang busy silang duha niadtong tungora.

Giingong imbes unta i-uli ni Ronald ang kwentas nga nakuha, polis na ang mitabo kaniya ug gidakop kini human mireklamo ang 16 anyos nga batan-on buhatan sa kapolisan.

Matud ni Ronald nga dili niya binuhatan ang mangawat tungod kay aduna siyay konsensya. Apan desidido ang 16 anyos nga mopasaka ug kaso batok niini.

3 ka tawo og 1 ka 3-anyos nga bata ang gipamusil!

CEBU, Philippines - Upat ka tawo apil na ang usa ka 3-anyos nga batang lalaki ang naangol human magpaulan og bala ang usa ka wala pa mailhing lalaki sa may sudlonong bahin sa sitio San Roque, Barangay Hipodromo, dakbayan sa Sugbo kagahapon sa hapon.

Giila sa kapulisan ang mga biktima nga si Wilbor Arcepe, 46, usa ka mekaniko kinsa maoy target sa mamumuno, ug ang iyang kapuyo nga si Maria Concepcion Gonzales, 46, ilang 3-anyos nga apo, ug ang giingong assistant mechanic niya nga si Romulo Molina, 21.

Si Arcepe kuyog si Molina ang nagtrabaho sa shop nga gipanag-iya ni Arcepe sa dihang miabot ang maong suspetsado ug mipusil kanila. Napagan si Gonzales ug ang ilang apo kinsa diha sa gawas sa balay atol sa pagpamusil.

Nakuhaan og footage sa security camera duol sa crime scene ang gituohang gunman nga nagsuot og puting polo nga dunay stripes nga blue.

Ang mga biktima gidala sa Cebu City Medical Center ug anaa na karon sa luwas nga kahimtang, ang kapolisan nag-imbestigar pa sa motibo sa maong krimen. (BANAT NEWS)

Taga Labangon Cebu City, gipatay didto sa Mambaling.

CEBU, Philippines - Namatay  ang  usa   ka  lalaki  nga gigukod og  pusil  sa  wala  hiilhing  kriminal    didto  sa   Gate 3 sa south road properties (SRP) sa barangay Mambaling dakbayan sa Sugbo  sa  miaging  gabii.

Ang biktima nailhan   nga  si Jaug Gabriel Regundo, 42, molupyo sa sitio Bonbonan, barangay Labangon.

Matud  sa usa sa mga residente sa maong dapit nga nagdumili sa pagpahingalan nga didto sa interior  nga portion sa barangay Duljo Fatima nga sumpay usab sa barangay Mambaling giingong aduna sila’y nadungog nga mga  buto sa armas.

Gigukod  ang  biktima  sa kriminal   ug  gisundan kini ug gipaulanan sa bala nga miresulta sa iyang hinanaling kamatayon.

Matud pa ni PO1 Michael Angelo Singson sa Homicide Section nga ang biktima gikatahong misinggit pa og ‘ayaw bai!, ayaw bai!’ ug mga  buto-buto  sa armas  de fuego  ang  nabati  sa  mga  molupyo.

Dugang pa ni Singson nga wala nila isalikway ang posibilidad nga adunay kalambigitan sa drugas ang pagpamusil tungod  sa ilang nakuhang text gikan sa  cell phone  sa biktima.

Napunitan  sa kapolisan  sa crime scene ang upat ka kabhang sa calibre 9mm ug laing kabhang sa calibre .45 nga posibling maoy gigamit sa pagpamusil. (BANAT NEWS)

Taya' sa lata maoy nakahilo sa pamilya

HEAVY metal poisoning ang giingong namatyan sa 18 anyos nga maguwang nga babaye sa upat ka managsuon nga nakakaon og delata nga beef loaf sa Barangay Poblacion, lungsod sa Alcoy, Sugbo.

Ang nahibilin nga duha ka mga manghod nga nikaon sab og apil sa beef loaf ang atua na karon sa Manila alang sa toxicology studies, sumala pa ni Dr. Cynthia Genosolango, officer-in-charge sa Integrated Provincial Health Office (IPHO).Matod niya susihon sa mga tinugyanan sa Rural Health Unit ug Provincial Epidemiological and Surveillance Unit nga nituyo pag-adto sa gipuy-an sa mga biktima, kon “expired” ba ang beefloaf nga ilang nakaon.

Ang lata nga makuha sab nila, ang isumitir ngadto sa hingtungdang ahensiya alang sa himuon nga pakisusi.

Base sa death certificate ni Lyza Marie Yman, 18, siya namatay sa multi organ failure secondary to food poisoning and possible heavy metal poisoning.

Siya namatay niadtong Agusto 10 sa Chong Hua Hospital. Una siyang gidala sa Cardinal Rosales Memorial Hospital sa lungsod sa Dalaguete human siya mireklamo nga nanakit ang iyang tiyan ug nagsukasuka human makakaon og delata nga beef loaf.

Ang iyang manghod nga si Levy Mae Yman, 17, unang namatay niadtong Agusto 6 sa mismong balay sa kanhi municipal health officer sa lungsod sa Alcoy human sab nagsige na og suka og nanakit sab ang tiyan.

Sa iyang death certificate, cardio pulmonary arrest secondary to severe dehydration and possible electrolyte imbalance ang hinungdan sa kamatayon niini.

Si Genosolango, nagtuo nga food poisoning ang namatyan sa duha ka magsuon. Apan ila

pang susihon kon unsa nga toxic substance ang nakasud sa ilang lawas.

Ang IPHO nisugyot nga ipa-autopsy ang lawas sa duha nga nangamatay alang sa dugang pakisusi.

Sigun sa report sa sanitary inspector sa Alcoy ngadto kang Genosolango base usab sa testimonya sa iyaan sa mga biktima nga nabantayan nila nga dunay taya sa lata ug sa mismong beef loaf.

“Unya ila lang kuno gi-scrape. Try to scrape it off and then cook and ate the beefloaf,” sugilon sa opisyal ngadto sa mga tigbalita base sa salaysay sa iyaan sa mga biktima.

Matod niya ang mga doktor sa CHH nitambag sa kabanay sa mga biktima nga ipadala ngadto sa kaulohan ang nahibilin nga duha ka mga bata alang sa to­xicology studies.

Kuhaan sila og blood samples aron madetermina kon unsa nga toxic substance ang nakasud sa ilang lawas human makakaon og beef loaf.

Si Gobernador Hilario Davide III sa iyang bahin, mangayo og tabang sa Bureau of Food and Drugs 7 labot sa hitabo.

Apan dihang nahinabi sa Sun.Star Superbalita si Rica Aumentado, OIC sa BFAD 7, siya niingon nga ang National Meat Inspection Commission na ang in-charge sa processed meat products.

Matod ni NMIS 7 regional technical director Romeo Capa nga maghuwat siya sa opisyal nga report sa meat inspection sa Alcoy.

Kon makompirmar na nila nga tayaan ug expired na ang beef loaf nga nakaon sa mga biktima, iyang ipatawag ang tagdumala sa brand sa beef loaf alang sa tukmang aksiyon nga himuon.

Si Genosolango nipasidaan sa publiko nga kinahanglan intact ang delata, dili taya-on, way lumping ug dili karaan og itsura ang paliton nga delata aron dili madisgrasiya sa pagkaon.

Publiko gipabantay sa mga text scam

CEBU, Philippines - Ang Department of Social Welfare and Development 7 (DSWD-7) mipahimangno sa publiko kalabot sa mga mikatap nga mga scam nga  mga text   message  nga mipunting sa   mga benepisyaryo sa Pantawid Pamilya Pilipino Program (4Ps).

Nasuta sa DSWD 7 ang mahitungod niining maong scam base  sa  mga  report  nga  ilang  nadawat  gikan  sa mga benepisyaryo sa 4Ps sa rehiyon.

Sa maong mga text message gisaysay niini nga ang mga recipient makadaog og P950,000 nga gikan ni Presidente Noy-Noy Aquino Foundation 4Ps Pantawid Pamilyang Pilipino Program isip second prize winner sa Handog Pangkabuhayan raffle promo with DTI P#9513 s'12.

Giklaro ni DSWD Regional Director Mercedita Jabagat nga dili tinuod nga ang ilang departamento nagpahigayon og promo o ba kaha draw.

Nasuta usab nga ang mga recipient gimanduan sa pag-text gilayon sa ilang kompleto nga ngalan, edad, address ug usab  trabaho.

Gimanduan ni Jabagat ang mga makadawat sa maong text sa pagtaho gilayon ngadto sa labing  duol nga opisina sa DSWD o ba kaha sa pag-text sa 09173815555.

Gipahayag ni Jabagat nga ang 4Ps nga programa wala manghatag og premyo apan ang maong programa naghatag og cash grant ngadto sa mga kabus nga kabalayan hulip sa ilang pagtuman sa mga kondisyones sa maong programa.

Tumong sa 4Ps nga programa ang paghatag og hinabang alang sa galamiton sa maayong panglawas ug usab pagpaedukar sa mga kabataan nga nahisakop sa kabus nga pamilya nga may panuigon gikan sa 0 hangtod 14 anyos. (/WC) (BANAT NEWS)

Driver gipusil, angol sa silingan!

CEBU, Philippines - Nalandig  sa tambalanan  ang  usa  ka  drayber  sa taxi  human  pusila  sa ilang  silingan duol sa  San  Roque Chapel  sa sitio  Callejon,  barangay  Labangon, dakbayan  sa Sugbo  sa   miaging  hapon.

Ang  biktima  giila  sa kapolisan  nga  si  Reynante  Titio, 32, nagpuyo  sa  maong  dapit ug  usa  ka  drayber  sa taxi.

Samtang  ang suspetsado  giila  usab  nga  si  Mark Labuan alyas Ingking, 31, walay  trabaho,  nga silingan  sa biktima.

Sumala sa kapolisan  nga  sayo  niini  nagduwa  og  baraha  ang  biktima  ug  ang suspek  dihang  nagkalalis  sila.

Dihang  miinit  ang  lalis  milakaw  ang  suspek  ug  mikuha  sa iyang  armas  de fuego  sa ilang  balay.

Sa pagbalik  niini  kalit  nga  giluthang  ang  biktima  ug  naigo    sa walang  bahin  sa iyang liog.

Gidala  dayon  sa  mga  silingan  ang  biktima  ngadto  sa Cebu City  Medical  Center, samtang   padayon  pang  gipangita  sa kapolisan  ang  suspetsado.( /WC) (BANAT NEWS)

Operator sa crane nga nahagsa’g nakapatay!

CEBU, Philippines - Gipriso sa kapolisan ang crane operator nga si Fortunato Pagatpat Jr. kinsa maoy nag-operate dihang nabugto ang kable sa tower crane   ug  natagak  ang  saddle  beam nga  mipigsat  sa  usa ka trabahante  sa miaging  adlaw.

Si SPO3 Marcos Noval  sa kapolisan  sa dakbayan  sa Mandaue   mibutyag  sa Banat News   nga temporary karon nilang gitanggong sa detention cell sa presinto 6 sa Canduman Police Station  si  Pagatpat.

Si SPO3  Noval sa Investigation Detection and Management Bureau (IDMB) sa Mandaue City Police Office (MCPO) miingon nga si Pagatpat malagmit  mag-atubang   og  kasong reckless imprudence resulting to homicide.

Ang biktima nga si Bernardo Bilbaom, 40,  nga taga La Guardia, barangay Lahug, dakbayan sa Sugbo, namatay  dihadiha human ang saddle beam sa tower crane sa gitrabaho nilang  condominium kalit  nga mihagsa  kaniya.

Matud pa ni SPO3 Noval nga sa  ilang imbestigasyon  nasuta  nila nga si Pagatpat isip  maoy  crane operator manubag  sa kasong  reckless imprudence resulting to homicide.

Ang Primary Structure Corporation maoy kontraktor sa   gitukod  nga  Eagles Nest Condominium  sa barangay Canduman, dakbayan sa Mandaue  diin  nagtrabaho  si  Pagatpat  ug  si Bilbaom.

Si  Bilbaom  nagkarga sa pre-fabricated nga mga bongbong  semento nga dad-on sa  crane ngadto sa ika-12 nga andana sa  edipisyo.

Si SPO3 Noval miingon nga paingon na sa ubos ang saddle beam nga nagbitay sa  tower crane  dihang  mideretsdo  kini  og  katagak.

Dugang pa ni Noval nga   didto   na sa 10 feet nga gihabugon ang saddle beam dihang nabugto ang kable.

Gani   sa paglabyog  niini   miigo pa sa nahimutangan ni George Japilan, 43,   taga Pitogo, Consolacion  ug  beam  fabricator   kinsa lakip usab sa naangol ug nalandig sa tambalanan. (/WC) (BANAT NEWS)

Lalakeng gaduwa sa kinatawo tupad sa pulis, nadakpan!

LALAKENG nagduwa sa kinatawo gidakop sa policewoman nga iyang katupad samtang luwan sa Ceres bus kagahapon sa alas 8:30 sa buntag sa Barangay Leong, Dumanjug, Sugbo.

Si PO1 Rhoda Singson, 24, dalaga, taga Barangay Poblacion, Badian, chief sa Womens and Children Protection Desk (WCPD) sa Lapu-Lapu City Police nisikop kang Michael Oyangoren, 25, ulitawo, electrician, taga Barangay Alanbijod, Argao, Sugbo.

Si PO3 Dionesio Tagopa, desk officer sa Dumanjug Police, nagkanayon nga off duty si Singson nga padulong mopauli gikan sa Cebu South Bus Terminal (CSCT) sa dakbayan sa Sugbo diin iysng gikasakay ug katupad ang suspek.

Iyang nabantayan ang suspek nga nagtan-aw sa sex video sa iyang cellphone ingon man nagduwa sa iyang kinatawo hinungdan nga iyang daling gipahunong ang bus ug gisikop si Oyangoren.

Iya kining gidala sa Dumanjug police.

Nanga-shock ang mga pasahero sa Ceres Bus tungod sa panghitabo.

Matod ni Tagopa nga mopasaka og kasong unjust vexation si Singson posible karong Lunes.

Si Oyangoren, nga nahinabi sa dySS Super Rad­yo/Sun.Star Superbalita, niangkon sa kremin nga iyang nahimo og nakasala ngadto kang Singson ingon man sa publiko.

Matod niya nga nadala siya sa huna-huna sa pagsigeg tan-aw sa sex video sa iyang touch screen nga cellphone nga pinasa sa iyang higala.

“Giangkon nako, Sir, nga nakasala ko sa police ug sa publiko. Maorag nasudlan ko sa dautang espiritu, ug huna-huna. Buhat gyud to sa demonyo unya nayawaan ko,” dugang ni Oyangoren.

Gibutyag niya nga gikan siya sa Cordova, duna siyay gihimo nga automated tubig machine sa iyang higala dayon mibiyahe paingon sa Dumanjug aron mangayo na usab og mga videokihan.

Apan dihang naabot sa may Poblacion, Barili, nagsugod siya sa pagtan-aw sa sex video sa iyang touch screen nga cellphone.

Naghinamhinam siya sa pagtan-aw sa kombate sa sex video samtang ang iyang knapsack gitabon sa iyang atubangan.

Samtang siya nagtan-aw, nabantayan niya ang sexy nga si Singson nga nindot kaayo og mga paa samtang nagtupad sila nga naglingkod.

Naglingkod siya sa tunga tungod kay dunay laing dalaga sa iyang pikas kilid nga naglingkod.

Iyang giangkon nga giganahan siya sa pagsigeg tan-aw sa video hinungdan nga nahimo niya ang krimen.

“Wala ko makabantay nga nakamata diay siya kay nagpiyong man to. Sige ko tan-aw og sa iyang (Singson) paa pero akong kinatawo natabunan man sa bag,” asoy ni Oyangoren.

Nakugang siya dihang iyang nahibaw-an nga si Singson usa ka pulis.

Si Singson, sa iyang bahin, niingon nga nag-shorts siya og puti nga tupong sa tuhod.

Iyang nabantayan nga langas ang suspek hinungdan nga nagtuo lang siya nga nagtext.

Sa ikaduhang pagtan-aw niya, nakit-an niyang nagtan-aw sa sex video sa cellphone apan wa lang una niya hatagi og pagtagad.

Wa magdugay nibarog ang suspek, gikuha ang bag ug gibutang sa iyang atubangan dayon nagduwa-duwa sa iyang kinatawo.

Tungod sa iyang kabalaka nga dunay dalang kutsilyo o armas, waniya dayon sikopa.

Nibalhin siyag lingkuranan ug gisultihan ang kondoktor nga ipahunong ang bus pagkatungod sa municipal hall sa Dumanjug.

Akto sab nga sa paghunong, didto si SPO2 Raul Alenjandria nga nagpaabot sa iyang asawa.

Nagpatabang siya sa pagdakop sa suspek.

Gipasanginlang “mamarang” gipatay

CEBU, Philippines - Usa ka 70- anyos nga lola nga gidudahang usa ka mamarang ang gipusil patay samtang nag-inusara nga nagtan-aw og salida sa telebisyon sa pinuy-anan niini sa Sityo Kalasa sa barangay Colasi, lungsod sa Samboan niadtong Sabado sa 1:00 sa hapon.
Ang biktima nga patay diha-diha mao si Bartola Catubig, byuda ug nagpuyo sa maong lugar kinsa sumala pa sa kapolisan gihulagway sa mga silingan nga usa ka mamarang sa maong lugar.
Tulo ka mga wala mailhing lalaki ang gitumbok nga mipatay sa biktima. Sila miikyas luwan sa usa ka motorsiklo human sa krimen. Matud ni PO1 Joseph Rodney Belangoy sa Samboan Police Station dihang nahinabi sa Banat News subay sa nakuha nilang impormasyon gikan sa mga silingan nga ang biktima nag-inusarang nagtan-aw og TV ang biktima kay milakaw ang iyang apo. Gituohan nga ang mga mamumuno nangayo pa og tubig sa biktima tungod kay duna pay tubig mainom diha sa gipatong sa bintana dapit sa may birha kay naka-lock ang pultahan sa biktima.
Nagtuo ang mga imbestigador nga diha sa may birha nagpahipi ang gunman ug pagtunol sa tubig gipusil ang tiguwang sa ibabaw nga bahin sa walang dughan ug pagkahuman namiya ang mga mamumuno.
Ang apo sa biktima nga wala makuha ang pangalan maoy nakadiskobri sa patay’ng lawas nga nagbuy-od sulod sa pinuy-anan nila nga dunay samad pinusilan sa ibabaw nga bahin sa walang dughan, usa ka slug nga gituohang gikan sa usa ka kalibre .45 nga armas ang nakuha diha sa crime scene.
Gisubay karon sa kapolisan ang anggulo nga may kalambigitan sa gidungog nga pamarang ang motibo sa krimen tungod kay wala kuhaa sa mga mamumuno ang cellphone ug mga gamit sa biktima. (Darrel A. Carumba/EIM) (BANAT BALITA)

10 nasikop sa illegal nga kalihokan.,,.

NAPULO ang nasikop sa pagpangroda sa kapulisan sa managlahing dapit sa lalawigan sa Sugbo, naglakip sa mga drug pusher, drug user ug gun-for-hire niadtong Sabado ug Dominggo sa miaging semana.
Si Abraham Brigoli, 30, ulitawo ug taga Barangay Dakit, lungsod sa Sogod, suspek nga gun-for-hire, ug kaubang gidudahang pusher nga si Ronel Malirong, 21, ulitawo ug taga Barangay 8, lungsod sa Tuburan, nasikop sud sa ilang hideout sa Barangay Sumon, Tuburan niadtong Sabado sa buntag, apan ang ilang lider nga si Johnny Ylanan nakasibat.
Si Brigoli nakuhaag usa ka kalibre .45, puno sa bala, KG-9 sub-machine pistol, puno sa bala nga magazine, silencer, granada, P250. Si Malirong nakuhaag granada, tulo ka medium size nga putos sa shabu, duha ka pakiteng shabu, mga drug paraphernalia, usa ka shot gun nga puno sa bala, laing bala sa shotgun nga usa ka bakos.
Si PO2 Dexter Arapoc sa Tuburan police, nagkanayon nga nipahigayon silag Internal Security Operation (ISO) pinangulohan sa ilang hepe sa kabukirang lugar batok sa mga kriminal.
Target sa ISO si Johnny Ylana, kinsa may daghang kasong pagpatay, drugas ug nakaeskapo sa sa bilangguan nga nasigpatan sa dapit.
Sa laing bahin, giilang big-time drug pusher nakaipsot sa pinusilay tali sa kapulisan apan ang iyang anak nga gidudahang drug pusher usab, bata-bata ug unom ka manuyopay, duha ka menor de edad, nasikop kagahapon sa ala 1:30 sa kaadlawon sa Sitio Carpo, Barangay Tuba, lungsod sa Dalaguete.
Gipusasan si Mark Raymond Muñoz, bata-bata nga si Jefferson Antipala, pulos nag-edad og kapin sa 20, ang manuypay nga sila si Jomar Paz nga taga Dalaguete, Wilmar Latasa, Alvin Gonzaga, Aldrin Sevilla ug duha ka 17-anyos, pulos nga taga Argao.
Si Insp. Dexter Basirgo, hepe sa Dalaguete police, nagkanayon nga ang rumbo sa ilang operasyon mao si Wilfredo “Eddie” Muños, amahan ni Mark Raymod, kinsa giilang level 2 drug pusher sa lungsod.
Daghan nang nisumbong sa kapulisan bahin sa kalihokan sa mga Muñoz sa ilang dapit.
Usa ka pulis ang nagsilbing poseur-buyer nga nitunol sa P400 marked money apan daling nakabantay si Wilfredo sa awtoridad ug niaksyon kini sa pagbunot sa armas apan napasalbahan sa kapulisan hinungdan nga nakadagan.
Si Basirgo nagkanayon nga naigo niya si Wilfredo dihang nakasibat apan di siya makapaneguro kon fatal ba kini sanglit mga dugo lang ang nahibilin sa dapit.
Si Mark Raymond nakuhaan og 48 ka pakiteng shabu, nakuhaan sab sa drawer sa ilang lawak og .357 nga puno sa bala, usa ka .38 revolver nga gipanag-iya ni Wilfredo ug si Jefferson nakuhaan og 14 ka pakiteng shabu.
Tukmang kaso ang gikatakda nga ipasaka sa awtoridad karong adlawa batok sa mga suspek.

2 Ang Patay Sa Sunog sa Ermita!

DUHA ang patay ug 228 ka mga balay ang naugdaw sa sunog sa Sit­yo Bato, Barangay Ermita, dakbayan sa Sugbo niadtong Sabado sa gabii.
Usa ka 11-ka-buwan nga batang babaye ug 46-anyos nga babaye ang gikatahong nakalas sa maong sunog.
Ang kabomberohan ni­bana-bana sa danyos nga kapin sa P1 milyon ug ang alarma ilang nadawat sa alas 10:20 sa gabii samtang giisa kini sa Task Force Alpha tu­ngod sa kadako sa kayo.
Nakontrolar ang sunog human sa kapin sa oras uban sa pag-abag sa tanang kabomberoha sa dakbayan sa Sugbo ug kasikbit nga dakbayan ug kalungsoran.
Sa pasiunang imbestigasyon sa mga kabomberohan, ang sunog nagsugod sa balay ni Toribio Flores, Jr., kansang 11-ka-buwan nga anak nga si Mary Claire, napaig.
Si Flores, biyudo human namatay ang asawa sa pagpanganak sa bata, giingong nilakaw ug gi­bilin ang bata uban sa 10-anyos nga pag-u­mang­kon aron pagpalit og diaper atol sa pag-ulbo sa sunog.
Ang 10-anyos nga ba­ta nakadagan sa pag-ulbo sa sunog.
“We waited for the fire to be totally out before searching the said fatality,” matod ni FO3 Lowel Opolentisima sa Sun.Star Cebu, diin ala una na sa hapon kagahapon nakita ang paig nga bata.
Lain usab namatay atol sa sunog mao si Belinda Cabigon, 46, giataki sa sakit sa
kasingka­sing.
Si PO1 Dennis Orno­pia sa Carbon police niingon nga may mga balay nga nalakip sa sunog ang gidudahang suyopanan sa gidiling drugas.
Atol ning pagsuwat, wa pa masayri ang tino nga hinungdan sa pag-ulbo sa sunog gikan sa balay ni Flores ug kini daling nikatap tungod sa halos tanang balay ginama sa light matertials.
Si Alvin Santillana, action officer sa Local Disaster Risk Reduction and Management Cou­ncil, nagkanayon nga kapin sa 20 ka tawo nga natanggong sa via duct sa South Road Properties (SRP) ang naluwas sa Bantay Dagat.
Dugang ni Santillana, dunay daghang tawo ang nasamad, napaso ug natunok gumikan kay nisuway pa sila og luwas sa ilang mga butang nga gitabang sa medical team.
Dali usab nakares­ponde ang Department of Social Welfare and Ser­vices (DSWS) alang sa libreng pagkaon sa mga nasunogan.
Si Kapitan Antonieto Flores nitug-an sa Sun.Star Superbalita natigom sila ni Mayor Michael Rama atol sa pagsuwat ug ilang gihisgutan ang lugar nga nasunogan.
Gipaabot nga karong adlawa madeklarar ang state of calamity aron da­ling makapagawas og pundo ang barangay.
Sa pagkakaron, ang barangay hall sa Ermita padayong nanawat sa hi­nabang sama sa sinina ug mga pagkaon pinaagi sa kontak sa (032) 255-7291.

Batang babaye ge rape,

WA NAY kinabuhi ang 9-anyos nga babaye sa dihang napalgan sa mga sakop sa clean and green office nga nanghinlo sa tag-as nga mga sagbot atbang sa Hoopsdome sa barangay Gun-ob, Lapu-Lapu City kagahapon sa buntag.
Samtang sangko sa langit ang pagmahay sa suspek nga si Junniel Dusaban alyas Jojo, 21, adunay live-in partner, construction worker, taga-barangay Kabkaban, Barili, Sugbo nga nitahan sa kapulisan.
Nakugang ang mga sakop sa clean and green nga sila si Jimmy Duero ug Dante Lamban nga mihimo og clearing operation sa bakante nga lote atubangan sa Police Station 3 sa Lapu-Lapu City Police Office (LLCPO) kagahapon sa alas 8:30 sa buntag sa dihang ilang nakit-an ang lawas sa bata nga naghay-ad sa kasagbutan.
Giila ang biktima nga si Ella Marie Lasala, taga-Purok Balanghoy, Sityo Humay-Humay, Barangay Gun-ob.
Siya katapusan nga nakit-an niadtong miaging adlaw nga nakigduwa pa sa laing duha ka mga menor de edad.
Kagahapon sa buntag nasikop sa mga sakop sa Police Station 3 nga gipangulohan ni P/Sr Insp. Joeson Parallag si Dusaban sa dihang mihaom ang description sa duha ka mga menor de edad nga gikaduwa niadtong higayona sa biktima nga maoy ilang nakit-ang gikuyogan niini.
Wa maglisod ang kapulisan sa pagtumbok ni Dusaban human siya niangkon sa iyang nahimo ngadto sa biktima apan iyang giklaro nga wa siyay tuyo sa pagpatay niini.
Saysay ni Dusaban sa dihang nahinabi sa Sun.Star Superbalita nga nawala siya sa iyang kaugalingon niadtong miaging gabii tungod sa iyang kahubog sa dihang nakig-inom siya sa iyang kauban sa construction work.
“Niduol to siya (biktima) nako kay nangayo og kuwarta. Unya nisunod ra pud siya nako sa libon,” dason sa suspek.
Asoy ni Dusaban nga paghiabot na sa ngitngit ug ka­sagbutan, didto na niya gi-among-amongan ang biktima.
Siya nitug-an nga nisuway sa paglugnot ang bata apan way igong kusog sa pagsukol tungod sa gidak-on sa iyang lawas.
Sumala pa sa suspek nga iyang gisap-ongan pag-ayo ang baba sa bata ginamit ang iyang palad aron di madunggan ang singgit samtang mihimo siya sa iyang dautang tinguha.
“Dili man ma, nibiya lang pud dayon ko. Wala ko kahibawo kon naunsa to siya,” matod ni Dusaban.Igo nalang sa pagtiyabaw ang inahan ni Ella Marie nga si Lanie, 31, nga nagsud-ong sa patay niyang anak nga napalgan mga 100 metros gikan sa Station 3.
Siya niingon nga wa siya magdahom nga mao kadto ang mahitabo sa ilang anak.
Matod niya nga naandan na sa iyang anak nga di mouli sa ilaha kay sa laing balay matulog kuyog ang mga higala niini.
Siya niangkon nga upat na ka mga adlaw nga wa mopauli ang iyang anak sa ilang balay.
Nakit-an pa kini niya niadtong miaging gabii nga nakigduwa sa iyang mga higala.
“Pirme man na nako siya pangitaon matag gabii. Apas-apason pa nako kay di man siya mouli sa balay. Madala lang sa barkada,” matod ni Lanie sa Sun.Star Superbalita.
Nawalis diha na sa dughan ang t-shirt sa biktima samtang wa na magsul-ob og underwear ingon man shorts dihang napalgan.
Gipasabot ni Parallag nga nianang pagka-gabii aduna silay gitubag nga alarma sa pagpamusil sa manag-uyab sa barangay Babag hinungdan didto ang iyang mga sakop sa nahitaboan.
Samtang ang alarma may labot sa pagpanglugos nadangat kagahapon lang sa buntag. (Sheila Nica Ursabia & Jessa Leopardas-CNU Comm Interns Sun.Star Superbalita)